പ്രണയരാഗം

കുടവുമായിപോകുന്ന  ഒരു  അമ്പാടിമുകില്‍     

എന്റെ   ഹൃദയത്തില്‍  അമൃതം  തളിച്ചു 

പനിനീരുപെയ്യുന്ന  പാതിരാവിന്റെ          

പല്ലവി  എനിക്ക്  നീ  പാടിത്തരുമോ ?

എന്നോട്  പരിഭവത്തില്‍ ആണോ  ?

എവിടെയോ  കണ്ടു  മറന്ന  മുഖം ആണ്    

നിന്റെ  എന്ന്  നിനച്ചിരികുമ്പോള്‍  ഒരു 

കുളിര്‍ക്കാറ്റു  തഴുകുന്ന  ഓര്‍മയുടെ 

പരിമളം  പ്രണയമായി  പൂവിട്ടു  വരുന്നുണ്ടോ ?

എന്റെ  കവിളില്‍  സന്ധ്യകള്‍  വിരിയുന്നു 

എന്റെ  മനസിന്റെ  താമര  ചെപ്പുകള്‍ 

അതിനെ  തൂവല്‍  കൊണ്ട്  തഴുകുകയാണോ   ?

ഇതിനാണോ  അനുരാഗമെന്ന  പേര് ?

ഇതാണോ  പ്രണയമെന്ന  മൂന്നക്ഷരം ?