ചില്ല് ജാലക വാതിലിനുള്ളില്‍ എനിക്ക്
ശ്വസിക്കാനാവുന്നില്ല ,എങ്കിലും
എന്നെ സ്വതന്ത്രമാക്കുവാന്‍ വരുന്നുണ്ട് ഒരാള്‍
കേള്‍ക്കുന്നു ഞാന്‍ കാലടി സ്വരങ്ങള്‍
ഒരായിരം കുന്നിക്കുരുകള്‍ നിലത്തു വീഴും പോലെ
ഒരായിരം മുത്തുമണികള്‍ ചിതറി വീണപോലെ
നീ എന്തേ ഇത്ര മെല്ലെ നടന്നു വരുന്നു ?
എന്തേ നിനക്കിത്ര താമസം ?
എന്തിനുവേണ്ടിയാണ് നീ മടിച്ചു നില്കുന്നത് ?
ആര്‍ക്കുവേണ്ടിയാണ് നീ കാത്തു നില്കുന്നത് ?
അതോ നിനക്കായി കാത്തിരിക്കുന്ന ആരെങ്കിലും ഉണ്ടോ ?’
നിനക്കായി മനമുരുകുന്ന ഒരു കുഞ്ഞു തെന്നലുണ്ടോ ?
നിന്റെ സാമീപ്യത്തിനായി കൊതിക്കാന്‍
നിന്റെ സ്വാന്ത്വന വാക്കുകള്‍ കേള്‍ക്കാന്‍
നിന്റെ ഒരു ഇളം തലോടലിനായി
ഒരു ചെറു മന്തഹാസതിനായി
ആരോ കാത്തിരിക്കുന്നുണ്ടാവുമല്ലേ ?
എന്നിരുന്നാലും ഈ കുഞ്ഞു പരിഭവം ,
നീ കേള്‍ക്കുന്നില്ലേ ഈ ദീനരോദനം ?
നീ അറിയുന്നില്ലേ ഈ ഹൃദയഭാഷ ?
നിന്നെ ഇത്രമേല്‍ സ്നേഹിക്കാന്‍
നിന്നെ താലോലിക്കാന്‍ ഓമനിക്കാന്‍
നിന്റെ കിളി കൊഞ്ചല്‍ കേള്‍ക്കാന്‍
ആരാണവന്‍ , എന്തിനവന്‍ ഇത്രമേല്‍ ആഗ്രഹിച്ചതു ?
നിന്റെ സാമീപ്യം ആഗ്രഹിക്കുന്നതു ?
ഒരു കുഞ്ഞു സ്നേഹത്തിന്‍ അരുവിയിലൂടെ
നിലാവാകുന്ന സ്നേഹഗംഗയില്‍ അലിയാന്‍
എന്തിനാണ് അവന്‍ ഇത്രമേല്‍ ആഗ്രഹിക്കുന്നതു ?
No comments:
Post a Comment