മറ്റുള്ളവരുടെ രചനകള് ആണ് ഈ പേജില് ..
എനിക്ക് ഏറെ ഇഷ്ട്ടപ്പെട്ട ചില സൃഷ്ടികള് ...
==================================================================================
ഇന്ന് ഞാന് നിന്നെക്കുറിചോര്ത്തു നെയ്യുമീ
സുന്ദര സ്വപ്നങ്ങള് കാണുന്നുവോ
കണ്ണിമ ചിമ്മാതെ ഞാന് കാത്തു വച്ചൊരെന്
മാനസം തന്നിലെ പൌര്ണമിയെ
എന്നോ മറന്നൊരെന് പാഴ് സ്വപ്നമൊക്കെയും
കണ്തുറന്നെങ്ങോട്ടു പോയിടുന്നൂ..
കാണുന്നു ഞാന് , എന്റെ നിശ്വാസമൊക്കെയും ,
കേണിടുന്നൂ , നിന്നെ കാണുവാനായ്
ഓമലെ , പണ്ടു നീ എന്റെ കൈകുമ്പിളില്
നേദിച്ച പൂവുകള് വാടിയപ്പോള്
കണ്ണുനീര് തുള്ളികള് ബാഷ്പമായ് മാറിയോ
കാണാന് കൊതിച്ചുവോ നിന്നെ ഞാനും
എങ്ങോട്ട് പോയി നീ ഒന്നും പറയാതെ
കാത്തിരുന്നെങ്കിലും , വന്നില്ല നീ
തന്നില്ല , പിന്നീടൊരിക്കലും , നിന്റെയാ
മാധുര്യമൂറുന്ന ചുംബനങ്ങള്..
എങ്ങോട്ട് പോയി നീ എന്നോട് തെല്ലും
പരിഭവം കാട്ടാതെ , മിണ്ടീടാതെ
എങ്ങോട്ട് നീ പൊയ് മറഞ്ഞാലുമോമനെ ..
കാത്തിരിക്കുന്നു ഞാന് നിന്നെയെന്നും..
എത്രമേല് എന്നോട് നീ പിണങ്ങീടിലും
വാക്കുകള് കൊണ്ടെന്നെ നോവിക്കിലും
ഇല്ല പരിഭവം , നിന്മേല് ചൊരിയുവാന്
ഞാനിന്നശക്ത , എന് കണ്മണി നീ..
(എന്നോ ഒരിക്കല് , എന്റെ കൈക്കുമ്പിളില് നിന്നും തട്ടിയെടുത്തു കൊണ്ട് പോയി , പിന്നീട് എനിക്ക് തിരികെ തന്നു എന്ന് ഞാന് വിശ്വസിക്കുന്ന എന്റെ മാത്രം നിനക്ക് ..)
എന്റെ സൃഷ്ടികളേക്കാള് ഇഷ്ടപ്പെട്ടോ , മറ്റുള്ളവരുടെ രചനകള്...? 
, എന്നാല് , ഇവിടെ ക്ലിക്ക് ചെയ്ത് , വീണ്ടും വീണ്ടും വായിച്ചോ....
=========================================================================
